Registro n. 10 precedente | 795 di 1018 | successivo

795. Francesco Sforza al Consiglio segreto 1452 ottobre 24 Calvisano

Francesco Sforza affida ai membri del Consiglio segreto la eventuale revisione del caso, da loro trattato, del milanese Francesco Surrigoni, che il fratello Giovanni protesta sia indebitamente trattenuto nelle carceri del capitano di giustizia su mandato degli abbati dei mecanti di Milano ad istanza dei milanesi Donato Conti e Giovanni Zucconi.

Dominis de Consilio segreto.
Superioribus diebus querelam admodum gravem exhibuit Iohannes Surizonibus, civis noster Mediolanensis, nomine Francisci, fratris sui, quem indebite, et litterarum nostrarum vigore, detentum asserebat ad instantiam Donati de Comite et Iohannis de Zuchonibus, civium similiter nostrorum Mediolanensium, et ob id scripsimus spectabili Angelo Symonete ut, intellecto supplicantium gravamine, opportune provideret ne iustam fratres ipsi haberent querele causam. Impresentiarum etiam Iohannes ipse ad nos recursum habuit, cum inserta eius supplicatione, requirens precipue ut Franciscus idem, qui, ut asseverat, in carceribus capitanei nostri iustitie reclusus est, ad carceres Malestale, ubi commodius et minore quidem cum impensa posse, reducatur secundum quod statuta et ordines Mediolani disponunt, scribamusque abbatibus mercatorum Mediolani, de quorum mandato detentus est, iudicibus competentibus ut sibi iuris debitum administrent, cum debitum, propter quod detentus est, sit persolutum, nec bona fides patiatur ut idem debitum bis persolvatur. Nos, etsi huiusmodi requisitionem honestati consentaneam arbitremur, tamen, quia res hec coram vobis pertractata est, ut intelleximus, supplicationem ipsam ad vos remittendam duximus, volentes quod, inspecta illius continentia, rem hanc ea via dirrigatis, quam iusti[ti]am expetere videatur, providendo etiam quod Iohannes pretactus ad iuris sui defensionem assistere et interesse tute valeat, omni noxia, novitate cessante, ne eius causa, reddatur indefensa. Et ubi fortassis aliud iuridicum adesset in obiectum, de eo expectamus vestris certiorari. Ex felicibus nostris castris apud Calvisanum, die xxiiii octobris 1452.
Signatus Cichus.