Registro n. 13 precedente | 641 di 1330 | successivo

642. Francesco Sforza a Carlo VII 1452 settembre 9 apud Quinzanum

Francesco Sforza scrive al re di Francia Carlo VII ringraziandolo per la benevolenza mostratagli dalle sue lettere e appresa anche direttamente dal suo oratore Folchetto de Vaceris e vivamente lo ringrazia per i favori e gli aiuti offertigli. Dagli oratori che gli invierà a giorni la comunità di Firenze sarà adeguatamente informato, come del pari intenderà al suo ritorno da Folchetto oltre a quello che gli diranno le relazioni di Luigi da Valperga su Guglielmo di Monferrato. Chiude elogiando il comportamento di Raynaldo Dresnay, regio luogotenente ad Asti.

[ 228r] Domino Carolo, Dei gratia Francorum regi.
Serenissime ac christianissime princeps et domine mi honorandissime, premissis recommendationibus debitis, tam ex litteris serenissime mayestatis vestre, quas nobilis Folchettus de Vaceris, eiusdem mayestatis orator, superioribus diebus ad me detulit, quam ex his que Folchetus ipse viva voce mihi reseravit, intellexi perfectissimam in me caritatem, benivolentiam et affectionem eiusdem vestre serenitatis et quam liberali et iocundo animo eadem vestre mayestas se obtulit atque offert in prestando mihi favores et iuvaminia non exigua, adversus hostes meos pro mei status honore, tutela et conservatione. Nequeo igitur, serenissime princeps, satis dignas serenitati vestre gratias agere, verum illas habeo et ago que maiores haberi possunt pro tantaliberalitate et clementia, quam edocet in mittendis eiusmodi favoribus gentium suarum qui mihi adeo grati et iocundi fuerunt, ut nihil gratius audire potuissem, et pro his prelibate serenitati vestre perpetuo obligatus sum. Favores autem ipsos et presidia queque gentium armigerarum eiusdem mayestatis regie hylari ac libenti animo et ea qua decet reverentia accepto, quemadmodum spectabilis Folchetus dominus de Vaceris, mayestatis vestre orator, ad eam rediens seriosius explicabit. Ego quoque per singulos dies expecto oratores illustris ac excellentis comunitatis Florentie, qui cum oratoribus meis ad conspectum vestre serenitatis ilico venturi sunt, ex quibus, vestra sacratissima mayestas, de omnibus que acta sunt de bellis que prefate comunitati et mihi inferuntur, et de cunctis rebus Italicis clariorem ac veriorem notitiam et informationem habitura est. Interim Folchettus ipse, viva voce et per litteras instructus, regreditur de mente eiusdem excellentis comunitatis et mea, et de modis quos Aluysius de Valperga servavit in praticha, quam habuit cum prefatis dominis de Monferrato, cuius relatibus non secus ac meis dignetur vestra serenitas fidem et credentiam impartiri. Et quia magnificus dominus Raynaldus Dresnay, regius vester locotenens Ast, in omnibus negociis meis et iis, que ad me pertinere dignovit, mirum in modum laudabiliter et optimo se gessit atque per singulos dies se gerrit, non possum eum non extolerere et dignis efferre laudibus et ubique affectionem erga me suam predicare. Quare eundem dominum Raynaldum ex animo et quo enixius possum serenissime mayestati vestre recommendo. Ex castris apud Quinzanum, die viiii septembris 1452.
Irius.
Cichus.