Registro n. 4 precedente | 1148 di 1893 | successivo

1148. Francesco Sforza al vescovo di Costanza e a Francesco e Giacomo Castiglioni 1451 luglio 29 Cremona

Francesco Sforza esprime al vescovo di Costanza e a Francesco e Giacomo Castiglioni il vivo suo desiderio che, senza alcuna remora, si faccia posto nel collegio pavese castiglioni allo studente Corrado Intrapach. Si tratta di una richiesta que et statui nostro oportuna est et rebus nostris vehementissime conductura.

Episcopo Constantiensi et Francisco et Iacobo de Castiliono.
Scimus relacione spectabilium affinium vestrorum utriusque iuris utriusque doctorum dominorum Franchini et Guarnerii vos vidisse litteras qua illis scripsimus iam pridem in facto domini Conradi Intrapach, studere volentis locandi in colegio vestro civitatis nostre Papie, satisque credimus vos intelexisse causas cur ad eam peticionem tantopere descendamus, que et statui nostro oportuna est et rebus nostris vehementissime conductura. Vidimus proinde litteras per vos reverendum dominum episcopum pro responso missas prefatis dominis affinibus vestris quarum suavitas et dulcis intencio animum nostrum vehementius inclinat ad quoslibet favores a nobis vestre universe generose prosapie vobisque quibusvis in [ 272r] occurrentibus impendendos. Verum quia res ista de hoc domino Conrado volente Papie studere et inibi in colegio ipso colocando nobis admodum cordi est et rerum nostrarum occaxio celleritatem effectus exigit, vos et devocionem omnemque fidem in nos vestram ortamur, oneramus et stringimus, si nostri boni ulla unquam vobis est intencio, sique quavis in re nobis cupitis complacere provideatis per modum etiam si expediat aliquantulum lesis ipsius vestri colegii eiusque institucionis ordinibus, quo illum ad sedem dicti colegii, cum preheminenciis in ea sede dari consuetis mittere valeamus sine ulteriori dilacione, neque in causa hac ullam nobis dificultatem aut dilacionem amplius afferatis. Nam nichil nobis abnegacione vel dilacione a huiusmodi posset esse molestius; e contra vero reputabimus (a) vobis singulare munus accepisse, pro qua in oportunitatibus vestris et domus vestre ad centuplum offerimus nos paratos bono corde et in his vestrum effectuale responsum (b) statim prestolamur. Cremone, xxviiii iulii 1451.
Cichus.