Registro n. 8 precedente | 318 di 1171 | successivo
318. Francesco Sforza a Pietro Bedenco 1451 dicembre 31 Lodi
Francesco Sforza concede al piacentino Pietro Bedenco il richiesto salvacondotto per potersi portare nella sua cittą per saldare le pendenze che ha con i suoi creditori. Tale salvacondotto ha validitą di un mese, salvo proroga.
Dux Mediolani, et cetera, Papie Anglerieque comes ac Cremone dominus, supplicato nobis parte Petri Badenchi, civis nostri Placentie, ut, cum metu creditorum suorum se a dicta civitate nostra Placentie absentaverit, velletque ad eam redire se cum antedictis eius creditoribus concordaturus, dignemur sibi de opportuno propterea salvoconductu providere. Quam ob rem, premissorum consideratione volentes dicto supplicanti in requisitis debite complacere, ut habilius se cum antedictis creditoribus suis concordare queat eidem Petro veniendi ad sepedictam civitatem nostram Placentie et ad alia quelibet loca dominio nostro supposita, et in eis standi, morandi et pernoctandi ac abinde discedendi et redeundi, semel et pluries pro eius libito voluntatis, salvumconductum et fidantiam nostram damus harum tenore concedimus et impartimur, mandantes proinde universis et singulis officialibus et subditis nostris presentibus et venturis, ad quos spectat vel spectare quovismodo possit, quatenus has nostras salviconductus et fidantie litteras per mensem unum proxime futurum et deinde ad nostri usque beneplacitum valiturum cum diebus sex contramandi servent firmiter et faciant inviolabiliter observari. In quorum testium et cetera. Data Laude, ultimo decembris MCCCCLI.