Registro n. 8 precedente | 91 di 1171 | successivo

91. Francesco Sforza al commissario di Parma 1451 dicembre 6 Lodi

Francesco Sforza vuole che il commissario di Parma si informi se il vescovo di Lodi, che ha portato fino ai limiti della conclusione la vertenza tra Bartolomeo Gabrieli e suo fratello Antonio, si sente di portarla a termine. In caso negativo, chiami le parti e, se necessario, le induca a scegliere una persona di fiduca, cui fisserà un temine entro cui concludere definitivamente il caso.

[ 18v] Commissario Parme.
Commisimus superioribus diebus, partium nostrarum consensu, reverendo domino episcopo Laudensi, quandam controversiam vertentem inter sapientem doctorem dominum Bartholomeum de Gabrielis, pro una parte, et magistrum Antonium, fratrem suum, parte ex altera, qui dominus episcopus, ut audivimus, partium ipsarum vidit iura et informatus in causa processit usque ad illius diffinitionem exclusive, prout ex commissione ipsa, et coram ipso reverendo domino episcopo, deductis et factis intelligere clare poteritis, et lapsus est eiusdem commissionis terminus sed, cum optemus illam causam omnino tolli, cum turpe sit fratris litigiis convexari, scribimus vobis et committimus quatenus, nostri parte, plurimum oneretis et exortamini prefatum reverendum dominum episcopum, qui de controversia ipsa iam informatus extitit, quod ipsam controversiam diffiniat et, suis datis operibus, sapientia et probitate illam, fine debito, terminare et diffinire studeat. Quando vero ita fieri non possit, volumus et committimus ut partes predictas ad vos advocatas inducatis et, si expedierit, compellatis et omnino astringatis ad electionem confidentis earundem, cui eletto illam quam reverendus dominus episcopus commissionem habebat, faciatis et infra similem terminum precipiatis, etiam penali iudicio, cohercendo, si opus fuerit, quod, visis et diligenter inspectis et cognitis partium ipsarum iuribus, causam huiusmodi terminet iure medio et decidat iuxta commissionis ante late seriem et tenorem, lapsu termini prelibati non obstante. Data Laude, die vi decembris 1451.