Registro n. 12 precedente | 1733 di 2324 | successivo
1733. Francesco Sforza a tutto il clero di Pavia 1453 aprile 7 Milano.
Francesco Sforza richiama al clero quanto espressogli da Gaurnerio Castiglioni e da Francesco Maletta, consigliere e segretario ducali, circa l'addizionale dei dazi della cittą di Pavia. Prospetta per il futuro compensazioni tra eventuali nuove tasse sui dazi ed eventuali sovvenzioni clericali.
Venerabilibus viris dominis de toto clero Papiensi nobis dilectissimis.
Satis constare debet ex relatione spectabilis domini Guarnerii de Castiliono et Francisci Malete, consiliarii et secretarii nostrorum, nomine nostro, vobis facta que sit mens nostra circa materiam additionum datiorum illius civitatis nostre, scilicet quod clerus ille propter subventionem pecuniarum, quam nobis fecit impresentiarum taliter a nobis tractabitur quod bene contentari poterit. Ordinamus siquidem per officiales ibi nostros dictam rationem teneri debere quorumcumque denariorum per clerum ipsum hoc anno solvendorum pro ipsis additionibus hac sola ex causa, ut postmodum de satisfatione vobis providere [
370r]
possimus. Verum, pro futuro tempore ad maius rei vestre robur, per presentes declaramus quod, elapso tempore quo huiusmodi additiones durare habebant, si contigerit alias additiones per eandem comunitatem daciis imponi et clero illi a nobis aliquam requiri subventionem, eo casu, aut clerum ipsum excludi ab ipsis additionibus faciemus, aut si idem clerus nobis subvenerit, opportune ordinabimus quod denarii exbursandi in subventionem vobis in solucionem pro dictis additionibus apponendis compensabuntur, vel saltem cum effectu restituentur. Et ut hanc declarationem ex mente nostra procedere ne ipse additiones vos gravent, has nostras litteras propria manu signavimus. Data Mediolani, die vii aprilis 1453.
FranciscuSfortia Vicecomes dux Mediolani, et cetera, manu propria subscripsit.
Christoforus de Cambiago.
Cichus.