Registro n. 13 precedente | 297 di 1330 | successivo

297. Francesco Sforza al cardinale Andegavense 1452 marzo 18 Milano

Francesco Sforza fa sapere al cardinale Andegavense, che gli ha raccomandato per abate dell'abbazia di Erbamata, della diocesi di Pavia, Vasino Malabala che volentieri avrebbe soddisfatto il suo desiderio, se già, non appena resosi vacante il beneficio, non si fosse fatto avanti il pavese Baldassarre Sacchi. Il duca, avvalendosi della concessione papale accordatagli, ripetutamente ne segnalò il nominativo al papa, e tale designazione era ormai nota a tutti i Pavesi. Supplica, perciò, il cardinale di scusarlo e si dichiara sempre pronto a ogni cosa.

[ 91v] Reverendo cardinali Andegavensi.
Intelleximus quantum reverendissima dominatio vestra nobis scripsit in commendationem venerabilis et eximii decretorum doctoris domini fratris Vasini de Malabala in facto abbatie de Herbamata, diocesis nostre Papiensis, quem profecto intuitu reverende paternitatis vestre carissimum habemus libentique animo illius voto, si possemus, satisfaceremus. Quamprimum enim abbatia predicta vacasset nobis per quendam ex Papiensibus nostris requisita fuit nomine dominum Baldesarem de Sachis, virum sane providum et circunspectum, et qui nobis multiplici testimonio commendatur, nos, quibus sanctissimus dominus noster pro sua clementia indulsit ut beneficia in dominio nostro vacantia, personas nobis fidas et gratas nonminus quam idoneas habeant, ipsi domino Baldesari dictam promisimus abbatiam, et in eius favore sanctitati prelibati domini repetitis litteris supplicavimus. Venit postmodum ad nos ipse dominus Vasinus dictam exposcens abbatiam, cui libenter morem gerississemus, nisi iam ipse nostre emanassent littere et talis promissio Papiensibus nostris nota esset, ordinem siquidem in hoc dominio nostro apposuimus quod nullus beneficia aliqua impetrare debeat absque nostri consensu quem, si in aliquo turbari finiremus, nonnisi dissensio quedam et inconveniens sequeretur multique ex nostris, hoc adducti exemplo, nobis [ 92r] quottidie reclamarent quod si huiusmodi res non ultraquam ad prefatum dominum Vasinium tenderet illi satisfecissemus, sed hoc nostrum prepositum neque per aliquos sudditos nostros, neque precibus fratrum, seu filiorum nostrorum, adhuc interruptum extitit. Quas omnes causas et respectus, ita nos vigentes abunde illi aperuimus, quibus nobis visus est, ipse dominus Vasinus satis acquievisse, subiu(n)xitque nobis nullam rem a nobis velle que ad nostrum incomodum cederet. Si vero aliud posthac accideret, ut illi favore vellemus, quod quidem ultro obtulimus. Quamobrem, reverendissime domine, paternitatem vestram oramus et obsecramus plurimum ut nos proinde excusatos habere velit, certiores enìm reddimur reverendam dominationem vestram, nonnisi ea que nobis honori cedant a nobis velle, omnis enim honor et conservatio status nostri cum dominatione vestra communis est. Sed si, ut prediximus, accideret aliquid quod pro ipso domino Vasino possimus nos illi, contemplatione reverende dominationis vestre, omnes favores nostros impendebimus, ad quecunque paternitati vestre grata paratissimi. Data Mediolani, die xviii marcii 1452.
His scriptis accessit ad nos prefatus dominus Baldesar cum bullis apostolicis quibus constat sanctum dominum nostrum, illi in titulum dictam contulisse abbatiam opportune, de quo reverendam dominationem vestram avisamus. Data ut supra.
Cichus.