Registro n. 5 precedente | 23 di 250 | successivo

23. Francesco Sforza al cardinale di Bologna 1451 giugno 15 Milano.

Francesco Sforza si dice lieto dell'andata dal papa del cardinale di Bologna e della sua permanenza alla corte pontificia. spera di aver sempre in lui un aiuto "ceu hactenus testantibus ipsis effectibus". Lo raccomanda al papa, assicurandolo che egli gli è "servitorem et filium"

[ 8r] Cardinali et legato Bononie.
Est nobis nuperime nunciatum reverendissimam dominationem vestram de proximo Roma- nam curiam fore petituram ibidemque apud sanctissimum dominum nostrum papam, ger- manum suum, in futurum permansuram; quod valde nobis acceptissimum est. Nam apud prelibatum sanctissimum dominum nostrum modo reverendissimam dominationem vestram habebimus protectricem (a) et in (b) cunctis rebus nostris nostrorumque (c) favorabiliter adiutricem, ceu hactenus testantibus ipsis effectibus, vidimus et experti sumus ob singularem suam erga nos caritatem et benivolentiam; quo fiet ut cum ellapsis temporibus a sanctissimo (d) domino nostro favores impetrare audaces fuerimus, licet ab eadem reverendissima dominatio vestra absentaret; nunc, ipsa presente, quam tutricem assumpsimus multo magis fiamus audatiores ac rerum omnium legitime per vestri medium obtentores. Quare hac ipsa dominationis vestre profectione hylares facti per has nostras eandem duximus deprecandam velit nos prelibato domino nostro, quantum deceat, commendatos facere sibique nos esse servitorem et filium ac ecclesie sue sancte devotissimum propagare, illam certificando quod, si rem beatitudinis sue gratam et acceptam per nos confici posse cognoscat, nos requirat; ymmo statum filios ac personam nostram propriam exposcat indubie nil ommittemus. Prefate vero dominationi vestre res nostras nostrorumque quas agi continget, in curia predicta quantum possumus commendamus. Scribimus propterea nobili Nicodemo, cancellario nostro, nonnulla reverendissime dominationi vestre nostri parte referenda, cuius relatibus ceu nostris propriis velit fidem credulam exhibere. Data Mediolani, xv iunii MCCCCL primo.
Cichus.