Registro n. 2 precedente | 959 di 1791 | successivo

959. Francesco Sforza al Regolatore e ai Maestri delle entrate 1450 novembre 12 Milano

Francesco Sforza comanda al Regolatore e ai Maestri delle entrate di pagare a Giovanni Stefano Casati 25 paghe di stipendio per il suo officio di capitano di Domodossola.

[ 261r] Regulatori et Magistris intratarum.
Consequi non potuit egregius miles dominus Iohannes Stefanus de Caxate, dilectus capitaneus noster partium Domiossule et comitatus Anglerie, illas pecunias que sibi super imbotaturis plebis Corbete huius nostre inclite urbis anni presentis assignate fuerunt, occasione stipendii illarum phagarum vigintiquinque, quas tenore habet in decto officio Domiossule. Con (a) ergo intendamus ut de eis omnino satisfacionem assequatur, sicut etiam dignum est, quandoquidem et ipse ad requisicionem nostram adhuc exspectare contentatur, assignavimus eidem dictas peccunias super prinis peccuniis, que ex incantibus daciorum panis, vini et carnium plebium Corbette, Bolate seu Donati, burgi Busciarsitii et Dexii, ducatus prefacte civitatis nostre, in primis tribus mensibus ianuarii, februarii et marcii proximi futuri anni preventuris, ita ut primus sit in quem peccunie dictorum incantuum seu daciorum usque ad integram ipsius crediti sui satisfacionem perveniant. Volumus itaque et mandamus vobis quatenus prenominato domino Iohanni Stefano de premissis peccuniis super antedictis daciis earundem plebium in eis ipsis tribus mensibus firmam et validam assignacionem faciatis, sicut et nos per presentes facimus, et de eis postea debitis temporibus sibi responderi usque ad completam satisfacionem suam et ulterius provideatis quod pro exequtione huius intencionis nostre fiant confessiones et scripture oportune, sine aliqua exceptione et omni contradicione cessante, aliquibus etiam in contrarium disponentibus aliqualiter non ostantibus nec attentis. Mediolani, die xii novembris MCCCCL.
Cichus.